Грэчаскага футбаліста пакаралі за нацысцкі жэст
Хаўбэк афінскага клуба АЕК Гіоргас Кацідзіс на ўсё жыццё пазбаўлены права выступаць за нацыянальную зборную.
Святкуючы забіты гол, ён узняў руку ў нацысцкім вітанні. У заяве Федэрацыі футболу Грэцыі гаворыцца, што жэст Кацідзіса з’яўляецца “абразай усіх ахвяраў жорсткасці нацыстаў”.
Сам футбаліст прынёс прабачэнні за свой учынак і сказаў, што не ведаў значэння гэтага жэсту.
Яго каманду АЕК могуць пакараць, а заўзятары патрабуюць скасавання кантракту са спартсменам, паведамляе ВВС.