Гомельскіх актывістаў будуць судзіць за “маўклівыя” ўлёткі
Змітра Шаўчэнку і Дзмітрыя Карашкова затрымалі ў суботу і даставілі ў ізалятар часовага ўтрымання.
Як паведаміла БелаПАН сястра аднаго з затрыманых, Алена Шаўчэнка, на маладых людзей склалі пратакол за парушэнне парадку правядзення масавага мерапрыемства.
Сябры актывістаў расказалі, што Шаўчэнка і Карашкова затрымалі за распаўсюд інфармацыйных матэрыялаў аб планаванай на 21 верасня акцыі маўклівага пратэсту. Суд над імі адбудзецца сёння, 19 верасня.
