"Газпрам" хоча падпісаць кантракт на пастаўку газу ў Беларусь 25 лістапада
Пра гэта паведаміў намеснік старшыні праўлення "Газпрама" Валерый Голубеў.
Па яго словах, якія перадае РІА "Новости", усе дакументы ўжо гатовыя. Голубеў кажу, што гаворка ідзе пра падрыхтоўку дзвюх міжурадавых дамоваў — пра куплю 50% акцый "Белтрансгазу" і аб прынцыпах утварэння кошту на газ, на тарыфы транзіту.
Адначасова плануецца падпісаць кантракты на пастаўку газу і на транзіт газу праз Беларусь. Мяркуецца, што дамовы будуць падпісваць прэм'еры Беларусі і Расіі.
Адзначым, аднак, што паводле папярэдніх звестак на 25 лістапада ў Маскву запланаваны і візіт Аляксандра Лукашэнкі.