Футбаліст Віталь Радзівонаў выказаўся супраць смяротнай кары (фота)
Пра гэта гулец барысаўскага клуба БАТЭ і нацыянальнай зборнай напісаў у сваім твітары.
Нагодай для запісу стала паведамленне пра смерць Уладзіслава Кавалёва і Дзмітрыя Канавалава, абвінавачаных у арганізацыі выбуху ў мінскім метро.
У сваім мікраблогу спартовец піша, што быў супраць смяротнай кары, нават калі б віна Канавалава і Кавалёва была ўсім відавочная. Ад іх смерці, мяркуе Радзівонаў, мала каму стала лягчэй — наадварот, адчуванне дзікасці. Таксама спартовец цытуе Фёдара Дастаеўскага: "Лепш памыліцца ў міласэрнасці, чым у кары".
Фота — sports.ru