Еўрадэпутат пра спробы ўплыву на Мінск: "Мы пераспрабавалі ўсё, што можна"
Адзіным спосабам уздзеяння на Аляксандра Лукашэнку можа стаць байкот еўрапейскімі хакейнымі зборнымі чэмпіянату свету 2014 года ў Беларусі.
Такое меркаванне выказаў падчас знаходжання ў Маскве еўрадэпутат Ханэс Свобада. "Мы пераспрабавалі ўсё, што можна", — цытуе словы Свобады РІА "Новости".
Таму цяпер карэктыроўка палітыкі Аляксандра Лукашэнкі магчымая толькі праз байкот, бо гэта для яго важна, адзначыў дэпутат Еўрапарламента.
Нагадаем, Міжнародная федэрацыя хакея можа заняцца справай мэтазгоднасці правядзення чэмпіянату свету ў Беларусі ў траўні. У канцы вясны ў Хельсінкі мусіць прайсці кангрэс арганізацыі.
Фота — bymedia.net
