Экс-намесніку міністра Яўгену Полудню выставілі канчатковае абвінавачванне
Былога намесніка міністра ўнутраных спраў вінавацяць у злоўжыванні службовымі паўнамоцтвамі і перавышэнні ўлады.
Пра гэта агенцтву БЕЛТА паведаміў старшыня Следчага камітэта Валерый Вакульчык.
Полудня падазраюць у атрыманні матэрыяльных каштоўнасцяў і грашовых сродкаў ад службовых асоб органаў унутраных справаў. Таксама яго падазраюць у злоўжыванні службовымі паўнамоцтвамі, што нанесла шкоду дзяржуласнасці ў буйным памеры. Па словах Вакульчыка, цяпер экс-намеснік міністра знаёміцца з матэрыяламі справы, пасля чаго справу перададуць пракурору для накіравання ў суд.
Нагадаем, што крымінальную справу на Полудня пачалі ў снежні 2011 года.
