Дзень Волі ў Мінску: збор каля кінатэатра "Кастрычнік" і без транспарантаў
Мінгарвыканкам дазволіў шэсце і мітынг да Дня Волі. Акцыя адбудзецца 24 сакавіка.
Праўда, гарадскія ўлады змянілі месца збору. Арганізатары меркавалі сабраць удзельнікаў каля Батанічнага саду. Чыноўнікі прызначылі месца збору каля кінатэатра "Кастрычнік", кажа Еўрарадыё лідар Партыі БНФ Аляксеў Янукевіч.
Янукевіч: "Збор удзельнікаў а 12-й гадзіне 24 сакавіка каля кінатэатра "Кастрычнік". Потым шэсце па ходніках праспекта Незалежнасці і вуліцы Сурганава і мітынг з 14-й да 15-й у парку Дружбы народаў на канцэртнай пляцоўцы".
Па словах Янукевіча, улады забаранілі выкарыстоўваць банэры і транспаранты падчас шэсця. Як справіцца з гэтай праблемай, арганізатары будуць вырашаць на паседжанні сёння.
Фота — bymedia.net
