Дому дзіцяці пры гомельскай жаночай калоніі споўнілася 50 гадоў
Гэта адзіная такога кшталту ўстанова ў пенітэнцыярнай сістэме Беларусі.
У Доме дзіцяці пры калоніі №4 гадуюць дзяцей да 3 год. Яго стварылі ў лістападзе 1961 года. На сёння даглядаць гадаванцаў дома дапамагаюць студэнты-валанцёры з гомельскіх ВНУ. Таксама частымі гасцямі тут бываюць прадстаўнікі дабрачыннай каталіцкай арганізацыі “Карытас”.
Зняволеных маці пускаюць сюды да дзяцей на грудное кармленне і прагулку, а ўсю працу па даглядзе за дзецьмі выконваюць работнікі дома дзіцяці. За паўстагоддзя праз гэтую спецыялізаваную ўстанову прайшло болей за 2 тысячы дзяцей, перадае БелаПАН.
