Для Беларусі блізіцца "вялікі пасольскі ад'езд"
Неўзабаве нашу краіну пакінуць многія амбасадары. На гэты раз ад'езд паслоў звязаны з іх планавай ратацыяй.
Яна закране кіраўнікоў дыпламатычных місій Нямеччыны, ЗША, Літвы, Венгрыі, магчыма, некаторых іншых краін, паведамляе інтэрнэт-выданне "Таварыш-online".
Кадравыя змены ў шэрагу амбасадаў могуць спарадзіць надзеі або ілюзіі на нармалізацыю адносін паміж Захадам і афіцыйным Мінскам, мяркуе палітычны аглядальнік Раман Якаўлеўскі.
Аднак паводле некаторых звестак, будучая ратацыя амбасадараў павінна закрануць не толькі заходнія дыпмісіі. Не выключана, што зменіцца і расійскі пасол у Мінску. Ходзяць чуткі, што Аляксандра Сурыкава можа змяніць генерал ФСБ Сяргей Сцяпашын — цяперашні старшыня Лічыльнай палаты Расіі.
Фота — pandoraopen.ru