Дакладчык ПАСЕ па Беларусі хоча сустрэцца з Алесем Бяляцкім
Палітычны камітэт ПАСЕ падтрымаў ініцыятыву дакладчыка па Беларусі Андрэса Херкеля накіравацца ў Мінск.
Херкель мае сустрэцца не толькі з прадстаўнікамі ўлады, але і з палітвязнямі, якія маюць праблемы са здароўем, перадае БелаПАН. У прыватнасці, ён хацеў бы сустрэцца з беларускім праваабаронцам Алесем Бяляцкім, які знаходзіцца ў турме.
Андрэс Херкель падрыхтаваў дэкларацыю ў падтрымку Бяляцкага, пад якой падпісаліся дзясяткі парламентарыяў з розных дэпутацкіх груп і краін Еўрасаюза. Яны пацвердзілі, што ўважліва сочаць за справай кіраўніка цэнтру “Вясна” і патрабуюць вызвалення ўсіх палітвязняў.
