Бяляцкага не пускаюць развітацца з бацькам, які ў цяжкім стане
У жодзінскай турме кажуць, што што суд неналежным чынам аформіў дакументы.
82-гадовы бацька палітвязня знаходзіцца ў цяжкім стане. 19 снежня Першамайскі суд сталіцы дазволіў Алесю Бяляцкаму, які знаходзіцца ў следчым ізалятары №8 Жодзіна, спатканне з бацькам.
Аднак адміністрацыя турмы, як паведамляе БелаПАН, заявіла, што не можа выканаць рашэнне суда. Па-першае, у іх няма магчымасці канваяваць асуджанага праваабаронцу ў Мінск. Акрамя таго, заявілі ў СІЗА, паперы з суда з дазволам на спатканне аформленыя неналежным чынам.
Жонка палітвязня вяртаецца ў суд, каб перааформіць паперы.
