Букмекеры прымаюць стаўкі на кандыдатуру будучага Папы Рымскага
Фаварытам у ірландскіх букмекераў стаў кардынал Фрэнсіс Арынзе з Нігерыі.
Стаўкі на будучага Папу адкрыла ірландская букмекерская кантора "Paddy Power", паведамляе радыё "Эхо Москвы". Акрамя асобы будучага пантыфіка букмекеры прымаюць стаўкі на тое, якое царкоўнае імя прыме сабе новы Папа і колькі будзе працягвацца канклаў.
Фаварытам цяпер з'яўляецца нігерыйскі кардынал Фрэнсіс Арынзе. Стаўкі на яго прымаюцца ў памеры 3 да 1. Трохі адстаюць ад яго кардынал Георг Ратцынгер з Нямеччыны (9-2) і француз Жан-Мары Люстыгер (5-1).
Тым часам "Guardian" са спасылкай на букмекераў называе фаварытам іншага кардынала — чарнаскурага Пітэра Тэрксана з Ганы.
На арцыбіскупа Тадэвуша Кандрусевіча ставяць 100 супраць аднаго (іншымі словамі, яго шанцы ацэньваюць у 1%). Такія ж шанцы, паводле бягучых вынікаў ірландскіх букмекераў, мае ўкраінскі кардынал Любамір Гусар. Стаўкі на літоўскага кардынала Аўдрыса Юозаса Бакіса яшчэ ніжэйшыя — 125 да 1.
Хутчэй за ўсё царкоўным імем наступнага Папы, на думку кліентаў "Paddy Power", будзе Бенедыкт (3-1).
Фота кардынала Фрэнсіса Арынзе — allrecords.ru