Брэсцкія мытнікі спынілі кантрабанду на 100 млн рублёў
Кіроўца рэйсавага аўтобуса незаконна вёз ювелірныя вырабы з дыяментамі.
Як паведамляе БелаПАН, мытнікі загадзя мелі інфармацыю, што праз мяжу павязуць кантрабанду. Таму яны старанна праверылі кіроўцу і пасажыраў аўтобуса. У 25-гадовага кіроўцы мытнікі знайшлі ў кішэнях курткі чатыры папяровыя скруткі. У іх ляжалі пярсцёнкі і тры кулоны з белага металу з каштоўнымі камянямі.
Паводле папярэдняй ацэнкі, кошт ювелірных вырабаў складае каля 100 мільёнаў рублёў.