Брэсцкія актывісты прапануюць на зіму замарозіць кошты на "камуналку"
На іх думку, гэта аплаціцца коштам танных расійскіх газу і нафты.
Гэтыя прапановы яны распаўсюджваюць сярод жыхароў горада і вобласці ўсімі даступнымі спосабам. Старшыня рэгіянальнай арганізацыі Свабоднага прафсаюза Беларускага Валянцін Лазарэнкаў патлумачыў:
Лазарэнкаў: "Людзі ведаюць, асабліва з дзяржаўных сродкаў масавай інфармацыі, што з 1 студзеня ўступіць у дзеянне дамова паміж Беларуссю і Расіяй, і мы атрымаем танны газ і, магчыма, нафту. У сувязі з гэтым ёсць кампраміс: замарозіць на гэты зімовы сезон кошт паслугаў ЖКГ. Калі дзяржава не можа на сёння забяспечыць той узровень заробкаў, які быў да выбараў летась — 500 долараў у эквіваленце, калі яна нават забрала 250 долараў, зменшыўшы заробак напалову, — гэта было б нармальна".
