Беларусы Варшавы прывіталі Патрыярха Кірыла акцыяй (фота)
16 жніўня каля помніка Каперніку ў польскай сталіцы традыцыйна прайшла акцыя салідарнасці з беларускімі палітвязнямі.
Удзел у ёй узялі актывісты “Еўрапейскай Беларусі”, “Звязу на карысць дэмакратыі ў Беларусі”, Беларускай Хрысціянскай Дэмакратыі ды іншых арганізацый.
Убачыць акцыю змаглі не толькі жыхары Варшавы, але і Патрыярх Рускай праваслаўнай царквы Кірыл. Якраз у гэты час яго картэж праязджаў каля месца акцыі. Пабачыўшы аўтамабіль маскоўскага Патрыярха, беларусы пачалі скандаваць “Жыве Беларусь!”.
Нагадаем, што Патрыярх Кірыл у гэтыя дні здзяйсняе свой першы візіт у Польшчу. Раней кіраўнікі Рускай праваслаўнай царквы ніколі не наведвалі Польшчу з афіцыйнымі візітамі.
Варшавяне зацікаўлена фатаграфавалі картэж Патрыярха Кірыла.
