Беларуска знайшла ў Расіі сясцёр, з якімі не бачылася 40 гадоў
Высветлілася, што яны жывуць у Прыморскім краі Расіі.
Як паведамляюць "Аргументы и факты-Приморье", паліцыянты знайшлі сясцёр жыхаркі Беларусі пасля звароту карэспандэнта праграмы Першага расійскага тэлеканала "Жди меня". Ён паведаміў, што ім у рэдакцыю прыйшоў ліст, у якім беларуска прасіла знайсці дзвюх сясцёр, якіх не бачыла з 1972 года.
Праваахоўнікі вылічылі месца жыхарства сясцёр. Доўгі час гэтыя жанчыны жылі ў Находцы. Цяпер сваякі сустрэнуцца.
