Беларусь, Казахстан і Расія адмянілі мытны кантроль на ўнутраных межах
Ад сёння мытнікі трох краін будуць абменьвацца інфармацыяй аб зарэгістраваных таварах па ўнутраных каналах.
Мытны кантроль будзе ажыццяўляцца толькі на знешніх межах, паведамляе “Радыё Свабода”. Дамова аб фармаванні Мытнага саюза Расіі, Беларусі і Казахстана была падпісаная ў кастрычніку 2007 году. Затым быў распрацаваны агульны Мытны кодэкс, які ўступіў у сілу летась ў ліпені.
