Барысу Нямцову ўручылі позву на допыт проста на "Маршы мільёнаў"
Гэта адбылося непасрэдна на мітынгу на праспекце Сахарава ў Маскве.
Апазіцыйнага палітыка выклікалі ў Следчы камітэт Расіі, паведамляе ВВС. Нагадаем, што ў панядзелак позвы ўручылі лідарам расійскай апазіцыі Аляксею Навальнаму, Іллю Яшыну, Сяргею Удальцову і Ксеніі Сабчак. Нямцова ў панядзелак следчыя не знайшлі.
Каардынатар "Левага фронта" Сяргей Удальцоў не з'явіўся ў Следчы камітэт Расіі на допыт. Замест гэтага ён адправіўся на мітынг. Усе астатнія на допыт пайшлі.
Фота — Wikimedia