Аўтар Усеагульнай дэкларацыі правоў чалавека паручаецца за Бяляцкага
Хадайніцтва за вызваленне з-пад варты Алеся Бяляцкага падпісаў складальнік Усеагульнай дэкларацыі правоў чалавека Стэфан Эсэль.
Ён апошні жывы аўтар дэкларацыі правоў чалавека, паведамляе сайт "Вясна". Таксама Эсэль — ганаровы прэзідэнт Камітэта сяброў Міжнароднай федэрацыі правоў чалавека.
Падчас вайны ён змагаўся ў французскім і англійскім Руху Супраціву, трапіў у Бухенвальд, адкуль здолеў уцячы. Адразу пасля вайны ўвайшоў у склад экспертаў ААН па складанні Усеагульнай дэкларацыі правоў чалавека. Шмат гадоў ён працаваў дыпламатам.
