Андрэя Пачобута не выпусцяць з Беларусі
Забарона на выезд з краіны — гэта абмежаванне, якое на журналіста “Газеты Выборчай” наклалі ў крымінальна-выканаўчай інспекцыі.
Андрэй Пачобут асуджаны за нібыта паклёп на Аляксандра Лукашэнку на ўмоўны тэрмін. На яго таксама наклалі іншыя абмежаванні: нельга без дазволу міліцыі мяняць месца жыхарства і тры разы на месяц трэба адзначацца ў інспекцыі. Пра гэта журналіст паведаміў у сваім ЖЖ.
Адметна, што ў Крымінальным кодэксе нічога не сказана пра магчымасць забараніць выезд за мяжу. Аднак Пачобута папярэдзілі, што калі ён тройчы парушыць грамадскі парадак, яго вернуць у турму.
