Анатоля Лябедзьку аштрафавалі за грошы, пазычаныя ў бацькоў
Такую пастанову вынесла падатковая інспекцыя Цэнтральнага раёна Мінска.
Лідар АГП прызнаны вінаватым і аштрафаваны на 500 тысяч рублёў, паведамляе сайт Аб'яднанай грамадзянскай партыі.
Падаткавікі палічылі парушэннем тое, што для куплі аўтамабіля палітык браў грошы ў сваіх бацькоў і не адзначыў гэта ў дэкларацыі. Таксама віной Лябедзькі палічылі недакладную лічбу куплі-продажу кватэры. Як кажа сам палітык, ён напісаў 2000 рублёў, а трэба было 1500.
Па словах Лябедзькі, апошняя падатковая праверка супраць яго сям'і цягнецца паўгода.
Фота — bymedia.net
