Анатоль Бадуеў: “Ляжу ў бальніцы пасля сур’ёзнай аперацыі”
Як вядома, Анатоль Бадуеў больш не з’яўляецца галоўным трэнерам нацыянальнай зборнай па лёгкай атлетыцы, знялі яго і з пасады старшыні Федэрацыі.
Днямі стала вядома адна з прычын гэтага: заслужаны трэнер мае сур’ёзныя праблемы са здароўем.
“Я ляжу ў бальніцы пасля сур’ёзнай аперацыі. Таму я размаўляць зараз асабліва не змагу”, ― адказаў Анатоль Бадуеў на наша тэлефанаванне. Пра дыягназ не паведамляем з этычных прычын.
Нагадаем, што ў траўні гэтага года (перад Гульнямі ў Лондане) Анатоль Бадуеў быў нечакана затрыманы па падазрэнні ў вымагальніцтве ў спартоўцаў за станоўчае вырашэнне пытанняў, звязаных з допінг-тэстамі.
Але на пачатку кастрычніка спецыяліст быў вызвалены, хоць крымінальную справу не закрылі. Як відаць, зняволенне нанесла ўдар па здароўі трэнера.
Жадаем Анатолю Іванавічу перамагчы хваробу.
