Аляксандр Лукашэнка лічыць магчымай перазагрузку адносін з Еўрасаюзам
Пра гэта ён заявіў у гутарцы з кіраўніцай прадстаўніцтва ЕС у Мінску Майрай Морай.
Як перадае Іnterfax.by, гэта адбылося падчас цырымоніі ўручэння ёю даверчых грамат кіраўніку Беларусі.
Лукашэнка лічыць, што можна вырашыць супярэчнасці, якія існуюць у адносінах паміж Беларуссю і Еўрасаюзам. Беларускі кіраўнік заявіў, што не збіраецца гандляваць "так званымі палітвязнямі". Ён паабяцаў зрабіць штосьці для аблягчэння іх долі.
Лукашэнка падкрэсліў, што Еўрасаюз з'яўляецца "адным з ключавых партнёраў у гандлёва-эканамічнай і крэдытна-інвестыцыйнай сферах, важнай крыніцай паступлення перадавых тэхналогій".
