Алімпійская зборная перад Лонданам згуляе тры таварыскія гульні
Першую — са зборнай Японіі.
А вось яшчэ дзве алімпійская каманда Беларусі правядзе не са зборнымі,а з клубамі. Аб гэтым паведаміў галоўны трэнер каманды Георгій Кандрацьеў. Што праўда, назваць клубы ён адмовіўся: “З двума клубамі будзем гуляць. Дакладна каманды назваць не магу, але дамоўленасць ёсць і гэтыя гульні адбудуцца”.
Нагадаем, што алімпійскі футбольны турнір пачнецца за дзень да адкрыцця Алімпіяды ў Лондане — 26 ліпеня. Удзел у ім бяруць каманды, складзеныя з футбалістаў да 23-гадоў. Толькі тры гульцы кожнай зборнай могуць мець старэйшы узрост.