Актывістаў АГП пакаралі штрафам у 2 мільёны за Дзень волі ў Гомелі
Васіля Палякова і Уладзіміра Шыцікава звінавацілі ў арганізацыі несанкцыяванага мітынгу.
Пра гэта Еўрарадыё распавёў намеснік старшыні Аб’яднанай грамадзянскай партыі Васіль Палякоў.
Палякоў: “Мне ўручылі позву з РАУСа Навабеліцкага раёну Гомеля. Там склалі пратакол аб адміністратыўным правапарушэнні. У судзе Навабеліцкага раёну нам прысудзілі па 2 мільёны рублёў — 20 базавых. За тое, што праводзілі несанкцыяваны мітынг”.
Нагадаем, 25 сакавіка гомельскія актывісты наведалі магілу Цімоха Вострыкава — дзеяча нацыянальнага Адраджэння.
Фота — svaboda.org
