Актор Павел Харланчук: Лукашэнка для мяне такі ж глядач, як і ўсе
Акторы Купалаўскага тэатра кажуць, што хвалююцца перад сённяшнім спектаклем не больш, чым звычайна.
Нагадаем, Купалаўскі тэатр пасля рэстаўрацыі адкрыецца 29 сакавіка спектаклем “Паўлінка”. Уваход на спектакль будзе толькі па запрашэннях. Сярод запрошаных — Аляксандр Лукашэнка. Апошні раз кіраўніка дзяржавы бачылі ў Купалаўскім болей за 10 гадоў таму — на спектаклі “Князь Вітаўт” паводле п'есы Дударава.
Выканаўца ролі Адольфа Быкоўскага — актор Павел Харланчук-Южакоў кажа Еўрарадыё, што асаблівых хваляванняў перад высокім госцем не адчувае. Але перажывае, як ацэняць яго ігру ў спектаклі калегі па прафесіі.
Павел Харланчук-Южакоў: “Я хвалююся як перад звычайным гледачом. Там будуць людзі з іншых тэатраў і гэтак далей”.
Фота — kino-teatr.ru
