Апазіцыянера просяць паведаміць, на чые грошы ён пікетуе (дакумент)
Заяўку на пікет падаў Уладзімір Малей, юрыст прафсаюза РЭП.
7 чэрвеня ён хацеў правесці ў Маларыце пікет “За справядлівыя выбары”. Аднак гарадскія ўлады яму адмовілі, заявіўшы, што ён мусіць называць крыніцы фінансавання пікета. Заяўнік з гэтым не згодзен:
Малей: "Гэта не падлягае крытыцы. Частка шостая артыкула 5 Закона аб масавых мерапрыемствах Рэспублікі Беларусь не змяшчае такога патрабавання. Значыць, гэта вымысел, надуманае патрабаванне Маларыцкага райвыканкама. Таму я не згодзен і абскарджу такое рашэнне ў судзе Маларыцкага раёна".
