33 звароты кандыдатаў у дэпутаты ад АГП не выйшлі ў эфір

Як інфармуе БелаПАН, пікет АГП прайшоў увечары 13 верасня каля сталічнага гандлёвага цэнтра "Рыга". На ім прысутнічалі кандыдаты-спікеры АГП Анатоль Лябедзька, Станіслаў Багданкевіч, Ганна Канапацкая, Мікалай Казлоў і Уладзімір Раманоўскі. Актывісты АГП раздавалі мінакам улёткі з просьбай не хадзіць на выбарчыя ўчасткі і не галасаваць на выбарах.

Лябедзька заявіў, што правядзенне гэтага пікету — своеасаблівы адказ на нявыхад у эфір "нават тых выступаў, якія доўжыліся пяць хвілінаў, і тое ў запісе і пад цэнзурай". Па яго словах, за чатыры гады цяперашняе 4-е скліканне Палаты прадстаўнікоў распрацавала толькі тры законапраекты. "Гэта ўсё адно, калі б рабочы заводу "Гарызонт" за 4 гады сабраў тры тэлевізары, але заробак атрымаў за чатыры гады", — параўнаў лідар АГП. Таксама Лябедзька нагадаў пра наяўнасць палітвязняў.

Пікет прайшоў без інцыдэнтаў і прысутнасці супрацоўнікаў міліцыі ў форме.

Апошнія навіны

Галоўнае

Выбар рэдакцыі