Рэпетытара Яўгена Лівянта, яго сваякоў і калегу перавялі ў СІЗА № 1

Яўген Лівянт / smartpress.by
Яўген Лівянт / smartpress.by

Рэпетытара Яўгена Лівянта перавялі ў СІЗА № 1 Мінска. Туды ж адправілі яго сваякоў — жонку Юлію Лівянт, дачку Ганну і яе мужа Мікіту Дразда. Там жа цяпер знаходзіцца калега рэпетытара Аляксей Іваноў. Гэта сведчыць пра тое, што ў дачыненні затрыманых распачалі крымінальную справу, піша @radiosvaboda.

Кіраўнік адукацыйнага цэнтра "100 балаў" Яўген Лівянт быў затрыманы 28 снежня 2022-га. У той жа дзень затрымалі саўладальніка цэнтра Аляксея Іванова, жонку Лівянта Юлію, дачку і зяця. Спачатку яны адбывалі на Акрэсціна адміністрацыйны арышт, а пасля ўзнікла крымінальная справа. Прысуджаючы арышт, таго ж Яўгена Лівянта прызналі вінаватым у "дробным хуліганстве". Цяпер жа ўсіх абвінавачваюць у "арганізацыя дзеянняў, якія груба парушаюць грамадскі парадак, або актыўным удзеле ў іх". На відэа сілавікоў рэпетытар і яго дачка, а таксама Іваноў, прызнавалі свой удзел у пратэстах 2020 года.

Раней міліцыя заяўляла, што па дзейнасці цэнтра "100 балаў" праводзіцца праверка. Сцвярджалася, што ён ажыццяўляў ліцэнзійную дзейнасць, не з'яўляючыся ўстановай адукацыі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі