Рассельгаснагляд выключыў з “чорнага спісу” Бярозаўскі сыраробны камбінат
Рассельгаснагляд адмяніў часовыя абмежаванні на пастаўкі ў Расію прадукцыі Бярозаўскага сыраробнага камбіната. Рашэнне пачало дзейнічаць 5 ліпеня. Аднак на першыя дзесяць партый сыру патрабуюцца пратаколы лабараторных даследаванняў на астаткі шкодных і забароненых рэчываў. Гаворка ідзе пра антыбіётыкі, лінказаміды, макраліды, інфармуе прэс-служба Рассельгаснагляду.
