Рассельгаснагляд спыніў амаль сотню ўкраінскіх "хамякоў-нелегалаў"
Ветэрынарныя інспектары Рассельгаснагляду ў Бранскай вобласці забаранілі ўвоз у Расію больш за 90 хамякоў з Украіны.
Грызуны былі выяўленыя на днях на чыгуначнай станцыі "Бранск-Арлоўскі" у цягніку "Мікалаеў-Масква", перадае interfax.by.
Усе без выключэння хамякі перавозіліся ў пластмасавых кантэйнерах. Уладальнікам грызуноў апынуўся грамадзянін Украіны, які не меў пры сабе неабходных дакументаў і дазволаў. Звяркоў ён хацеў прадаць у Маскве.
Мужчыну прыцягнулі да адміністрацыйнай адказнасці. Хамякоў вярнулі на тэрыторыю Украіны.
Фота — trinixi.ru
