Распачалі крымінальную справу супраць жанчыны, якая збіла вядром міліцыянта
Здарэнне адбылося падчас вулічнай акцыі "Чарнобыльскі шлях", якая прайшла ў сталіцы 26 красавіка з дазволу ўладаў.
Людзі ў цывільным затрымалі каля 10 чалавек. У раёне вуліцы Багдановіча яны схапілі анархіста і пачалі яго збіваць. Хлопец паклікаў на дапамогу. Якраз міма праходзіла жанчына з вядром. Яна моцна разбіла галаву мужчыне, які аказаўся міліцыянтам.
Як паведамляе "Наша ніва", жанчыну затрымалі і дапыталі ў Савецкім РУУС. Супраць яе распачалі крымінальную справу. Пра гэтую гісторыю вядома са слоў журналіста Генадзя Барбарыча, які быў затрыманы і знаходзіўся ў пастарунку разам са згаданай жанчынай. Афіцыйнай інфармацыі дагэтуль няма.