Расійскія вайскоўцы захапілі 2 украінскія караблі, бою не было (відэа)
Здарэнне адбылося ў Стралецкай бухце ў Крыме.
Як паведамляе ТСН, расіяне захапілі карветы "Луцк" і "Хмяльніцкі". Маракоў, якія на іх былі, вывелі на сушу. Агулам іх было каля 200 чалавек. Інфармацыі пра супраціўленне ўкраінцаў няма.
Таксама раніцай 20 сакавіка паднялі расійскі сцяг тры адзінкі Ваенна-марскіх сілаў Украіны (у тым ліку катар і ратавальны буксір).
Іншыя ўкраінскія караблі працягваюць заставацца заблакаванымі.
Тым часам украінскі фрэгат "Гетман Сагайдачны" здзейсніў рэйд з Адэсы і прымусіў сыйсці з украінскіх тэрытарыяльных водаў некалькі расійскіх караблёў. Зброя падчас інцыдэнту не выкарыстоўвалася, адзначае "Украінская праўда".
Расійскі спецназ захапіў украінскі карвэт "Цярнопаль"
Фота — ria.ru
