Расійскія вайскоўцы працягваюць маляваць на аэрадромах самалёты
Для спецыялістаў выкрыць гэты падман не цяжка / twitter.com/MT_Anderson/
На аэрадроме ў акупаваным Севастопалі расіяне намалявалі знішчальнікі. Гэта было заўважана на здымках, зробленых са спадарожніка. На аэрадроме Бельбек на стаянцы сярод сапраўдных самалётаў былі і чатыры намаляваныя МіГ-31. Выявіць іх удалося па адсутнасці ценяў.
Мяркуецца, што такім чынам расійскія вайскоўцы спрабуюць прадставіць на спадарожнікавых здымках непраўдзівую інфармацыю аб змешчаных на аэрадроме самалётах. Але для спецыялістаў выкрыць гэты падман не цяжка.
Некалькі тыдняў таму намаляваныя самалёты заўважылі на здымках аэрадрома Энгельс у Саратаўскай вобласці РФ.
Аэрадром у Энгельсе / Planet Labs
