Расійскія СМІ пішуць пра "самы моцны за ўсю гісторыю канфлікту" абстрэл Данецка
![Пажар у Данецку пасля абстрэлу/ @itsdonetsk](/sites/default/files/styles/gallery_main/public/2023-08/doneck_15_12_4.jpg.webp?itok=818ryXVK)
Пажар у Данецку пасля абстрэлу/ @itsdonetsk
Данецк гэтай раніцай падвергнуўся самаму магутнаму абстрэлу з 2014 года, кажа прадстаўніца так званай "ДНР" Наталля Шуткіна. Паводле яе слоў, па горадзе было выпушчана каля 40 ракет з РСЗА "Град".
"Прыйшлося па трох квадратах цэнтральнай часткі горада. Цяпер працуем над удакладненнем пашкоджанняў, іх ужо на гэтую хвіліну нямала, паколькі густая забудова", — прыводзіць словы Шуткиной ТАСС. Карэспандэнт агенцтва паведамляе, што чуў не менш за 10 выбухаў. Пасля траплення снарада ў шматкватэрны дом у цэнтры Данецка пачаўся пажар. Гарэлі і аўтамабілі. Інфармацыі аб пацярпелых пакуль няма.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.