Расіянка топлес высунулася з аўтамабіля і ўдарылася галавой аб дарожны знак

Расійская турыстка ў Дамініканскай Рэспубліцы топлес высунулася з акна аўтамабіля падчас руху і ўдарылася галавой аб дарожны знак. 35-гадовая жанчына з Чалябінскай вобласці атрымала цяжкую траўму і памерла ў бальніцы. Як інфармуе сайт ensegundos.do, трагічнае здарэнне адбылося на трасе, па якой машына ехала ў бок аэрапорта Пунта-Каны. Адзначаецца, што відэа на мабільны тэлефон зняла ўкраінка, якая была ў салоне аўтамабіля.