Расіяне абстралялі Купянск: ёсць адна загінулая і 10 параненых
![Наступствы абстрэлу Купянска / кадр з відэа Радыё "Свабода"](/sites/default/files/styles/gallery_main/public/2023-08/kupiansk-2504.jpg.webp?itok=TP1JMkQw)
Наступствы абстрэлу Купянска / кадр з відэа Радыё "Свабода"
Зранку 25 красавіка расійскія войскі абстралялі горад Купянск у Харкаўскай вобласці. Адна з ракет С-300 трапіла ў будынак краязнаўчага музея, паведамляе hromadske.ua са спасылкай на кіраўніка абласной вайсковай адміністрацыі Алега Сінягубава.
Паводле папярэдніх звестак, 10 грамадзянскіх асоба атрымалі раненні. Траіх з іх шпіталізавалі, сямёра маюць лёгкія пашкоджанні і атрымалі дапамогу на месцы. Два чалавекі застаюцца пад заваламі.
Акрамя таго, Уладзімір Зяленскі паведаміў, што загінула работніца музея.
"Купянск, цэнтр горада, краязнаўчы музей. Краіна-тэрарыст робіць усё, каб знішчыць нас цалкам: нашу гісторыю, нашу культуру, нашых людзей, абсалютна варварскімі метадамі забіваючы ўкраінцаў", — пракаментаваў прэзідэнт Украіны гэтую атаку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.