Мадрыдскі "Рэал" зноў выйграў Суперкубак УЕФА
Матч "Рэал" — "Аталанта" за Суперкубак УЕФА / Getty
14 жніўня ў Варшаве адбыўся матч за Суперкубак УЕФА.
Пераможцам гульні і шасціразовым уладальнікам Суперкубка стаў мадрыдскі "Рэал". Іспанская каманда выйграла ў італьянскай "Аталанты" з лікам 2:0.
Гэтая гульня таксама стала дэбютнай у "Рэале" для Кіліяна Мбапэ, які перайшоў з ПСЖ. Дарэчы, француз вызначыўся голам.
Суперкубак УЕФА праходзіць на пачатку кожнага сезону. У ім сустракаюцца пераможцы Лігі чэмпіёнаў і Лігі Еўропы мінулага сезону. Мадрыдскі "Рэал" мае найбольшую колькасць перамог у гэтым турніры.
