Расія можа адмовіць у кантролі над ракетамі ў адказ на санкцыі ЗША
Мінабароны Расіі разглядае магчымасць прыпынення прыёму інспекцыйных груп у рамках міжнародных дамоваў.
Такія інспекцыйныя групы кантралявалі стратэгічныя наступальныя ўзбраенні. “Паколькі такія інспекцыі з’яўляюцца мерай даверу, то ва ўмовах фактычна абвешчаных “санкцыяў” з боку ЗША нармальных рэгулярных двухбаковых кантактаў па выкананні дамоваў быць не можа”, — цытуе заяву міністэрства ТСН.
У ведамстве назвалі санкцыі, якія рыхтуе ЗША, форс-мажорнымі абставінамі, што дазваляе зрабіць падобныя захады. Расія таксама можа выкарыстаць як захад у адказ прыпыненне ўдзелу ў Дамове па адкрытым небе.
