Расія часова забараніла прадукцыю "Бабушкиной крынки"
Рассельгаснагляд паведамляе на сваім сайце, што з 31 студзеня 2018 года ўводзяцца часовыя абмежаванні на пастаўкі прадукцыі беларускай кампаніі "Бабушкина крынка" на тэрыторыю Расіі.
Прычынай забароны называецца тое, што ў сухім малацэ, якое гэтая кампанія пастаўляе ў Расію, быў выяўлены антыбактэрыяльны прэпарат норфлаксацын. Гэта паўторнае выяўленне рэчыва групы хіналонаў.
Пра першыя выпадкі выяўленых небяспечных для здароўя рэчываў у малочнай прадукцыі "Бабушкиной крынки" Рассельгаснагляд паведамляў беларускім калегам раней.
