Расія абстраляла горад Дняпро, сярод параненых — немаўля і падлетак
Наступствы абстрэлу / Сергей Лысак
У ноч на 4 чэрвеня Расія атакавала горад Дняпро, піша ўкраінскае выданне "Суспильне". Раненні атрымалі сямёра чалавек, сярод іх ёсць дзеці.
Уначы сілы ўкраінскай СПА збілі дзве ракеты ў раёне Дняпра. Абломкамі пашкодзіла цывільную інфраструктуру, узнік пажар. У прыватных дамах, шматпавярхоўках, шпіталі выбіла вокны.
"Пачуў два гучныя выбухі, у суседзяў сарвала шыфер, абломкі ўляцелі ў зямлю, выбітыя вокны выбухной хваляй", — расказвае адзін з мясцовых жыхароў.
Сярод параненых у выніку гэтай атакі ёсць дзеці. Траўмы атрымалі немаўля і 17-гадовы падлетак, таксама былі параненыя яшчэ пяцёра дарослых людзей.
Малодшае дзіця ў сям'і дапамагае прыбіраць у доме пасля абстрэлу, старэйшае — у шпіталі
