Вы тут

Рашэнне па зыску фатографа Матолькі да БТ суд вынесе 5 верасня

Рашэнне па зыску блогера і фатографа Антона Матолькі да Белдзяржтэлерадыёкампаніі суд вынесе ў панядзелак. 2 верасня адбылося чарговае судовае паседжанне па гэтай справе. Матолька сцвярджае, што БТ выкарыстала яго здымкі з сеціва без дазволу і патрабуе грашовай кампенсацыі ў 0,01 капейкі. Кампенсацыю ён гатовы атрымаць на картку.

Прадстаўнікі БТ заяўляюць, што забароны на выкарыстанне здымкаў не было, да таго ж, паўночнае ззянне, якое засняў фатограф, — гэта “з’ява сацыяльнага характару”, а самі здымкі не з’яўляюцца мастацкім творам.

Антон Матолька абураны, што пасля выкарыстання гэтых здымкаў яго называюць фатаграфам, які аддае фота на БТ і з-за гэтага ён атрымаў моцны стрэс.

Фотаздымкі паўночнага ззяння Матолькі зрабіў сёлета ў сакавіку. Пазней з яго дазволу іх размясціў партал TUT.by, а затым — іншыя СМІ, у тым ліку БТ, якое не прасіла ў аўтара дазволу.