Пяцёра жыхароў Бабруйшчыны памерлі, атруціўшыся невядомай вадкасцю

Пяцёра мясцовых жыхароў у Бабруйскім раёне атруціліся невядомай вадкасцю. Іх даставілі ў лякарню з палігона цвёрдых бытавых адкідаў поруч вёскі Бабіна.
Не прыходзячы ў прытомнасць, яны памерлі ад атручэння. На месцы здарэння выяўленая пяцілітровая пластыкавая каністра з астаткамі невядомай вадкасці. Памерлыя былі ва ўзросце ад 24 да 48 гадоў, паведамляе “Інтэрфакс”.