Пяць ракетных удараў за гадзіну нанеслі расіяне па Запарожжы
![Наступствы ракетнай атакі ў Запарожжы](/sites/default/files/styles/gallery_main/public/2024-04/zaparozza-0504-1.jpg.webp?itok=1EpNOLuW)
Наступствы ракетнай атакі ў Запарожжы / Нацыянальная паліцыя Украіны
5 красавіка ўдзень расіяне ўдарылі ракетамі па Запарожжы, паведамляе hromadske.ua.
Спярша горад атакавалі трыма ракетамі. Праз 40 хвілін, калі пачалі працаваць ратавальнікі і паліцыянты, нападнікі ўдарылі па Запарожжы яшчэ дзвюма ракетамі.
У выніку атакі загінулі тры чалавекі, не менш за 19 чалавек пацярпелі, паведамляе Запарожская абласная ваенная адміністрацыя. Прычым чацвёра пацярпелых знаходзяцца ў цяжкім стане. Ім аказваюць усю неабходную дапамогу ў клініках.
Ад ракетнага ўдару пацярпела грамадзянская і прамысловая інфрастурктура. Паведамляецца пра разбурэнне прыватных дамоў і крамаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.