Прэм'ер Брытаніі назваў сваёй галоўнай задачай у 2014 годзе хаваць лысіну
Дэвід Кэмеран выступіў на штогадовай вячэры журналістаў Westminster Correspondents dinner. Яна ладзіцца ўжо 40 гадоў запар.
На імпрэзе Кэмеран з'явіўся ўпершыню. Там ён абвясціў свае мэты на гэты год, паведамляе ria.ru.
"Нумар адзін. Лысае месца трэба трымаць пад кантролем", — пажартаваў Кэмеран. Таксама ён заявіў, што сёлета яго цырульнік быў уключаны ў спіс намінантаў на Ордэн Брытанскай імперыі без яго ведама.
Прэм'ер таксама пажартаваў пра калегу па Кансерватыўнай партыі — мэра Лондана Борыса Джонсана. "Апошнім разам, калі я быў на такой шыкоўнай вячэры, Борыс (Джонсан) астатнюю частку ночы правёў у турме", — сказаў Кэмеран, згадваючы навучальныя гады ў Оксфардзе.
Фота — REUTERS
