Праз хвіліну быў у аўтазаку: беларусы паказалі апошнія фота перад затрыманнем
![Марш справядлівасці](/sites/default/files/styles/gallery_main/public/2023-08/img_20200920_175541.jpg.webp?itok=GYYM16Q9)
Марш справядлівасці
"Сфатаграфаваў аўтазак, які пад'язджаў. Праз пару хвілін я ў ім апынуўся": беларусы падзяліліся з Еўрарадыё сваімі апошнімі фотаздымкамі перад затрыманнем на акцыях пратэсту.
27 жніўня. Аляксандра Багуслаўская, карэспандэнт DW
Плошча Незалежнасці. Усё вельмі празаічна.
![Через минуту был в автозаке: белорусы показали последние фото перед задержанием](/sites/default/files/paragraphs/image/img0276.jpg)
20 верасня, Марш справядлівасці. Вадзім
Зрабілі гэту фатаграфію 20 верасня каля плошчы Перамогі. Праз хвілін 20 мы з сябрам ужо былі ў счэпцы, прыціснутыя АМАПам да сцяны на вуліцы Змітрака Бядулі. А пасля — аўтазак, паўночы ў РУУС і некалькі сутак у Жодзіне з далейшым штрафам.
![Через минуту был в автозаке: белорусы показали последние фото перед задержанием](/sites/default/files/paragraphs/image/img20200920175627_0.jpg)
19 верасня, Жаночы марш. Святлана Квяткоўская
Фота зроблена на Сурганава за хвілін 15-20 да затрымання і трапляння ў спецтранспарт. Я была сярод апошніх, каго ўзялі, стаяла да канца ў счэпцы. Прапанавалі пайсці самастойна ў якасці альтэрнатывы быць прыцягнутай у транспарт сілай. Давялося, горда падняўшы галаву, прайсці ў аўтазак самой.
![Через минуту был в автозаке: белорусы показали последние фото перед задержанием](/sites/default/files/paragraphs/image/img0263.jpg)
Дзяўчына, што стаяла побач са мной, вельмі пазітыўная была, мы хутка разгаварыліся, дагэтуль маем зносіны. Ехалі ў аўтазаку ў цёплай кампаніі, нават вось сэлфі паспелі запіліць (мужчыны ў масках не ацанілі).
![Через минуту был в автозаке: белорусы показали последние фото перед задержанием](/sites/default/files/paragraphs/image/img0264_1.jpg)
30 жніўня, Марш міру і незалежнасці. Яўген
Сфатаграфаваў аўтазак, які пад'язджаў. Праз пару хвілін я ў ім апынуўся.
![Через минуту был в автозаке: белорусы показали последние фото перед задержанием](/sites/default/files/paragraphs/image/img0262.jpg)
15 ліпеня. Журналісты Антон Трафімовіч і Віялета Саўчыц
Мы з Віялетай зрабілі сэлфі за паўгадзіны да затрымання. На той момант нас яшчэ ні разу не затрымлівалі. Гэта адбылося 15 ліпеня, падчас чаргі ў ЦВК.
![Через минуту был в автозаке: белорусы показали последние фото перед задержанием](/sites/default/files/paragraphs/image/img0273.jpg)
6 верасня, Марш адзінства. Алеся
Гэта за 10 хвілін да затрымання. Палічыла гэту карцінку іранічнай.
![Через минуту был в автозаке: белорусы показали последние фото перед задержанием](/sites/default/files/paragraphs/image/2020-11-05172318.jpg)
18 кастрычніка, Марш партызанаў. Арцём Маёраў, журналіст “Белорусы и рынок”
За 15 хвілін да гэтай фатаграфіі я еў смачныя польскія цукеркі ў рэдакцыі па вуліцы Карла Маркса. Праз 15 хвілін пасля гэтай фатаграфіі — знаёміўся з хлопцамі, да якіх мяне падсялілі ў стакан аўтазака. Фота зроблена на вуліцы Кірава, недалёка ад стадыёна Дынама.
Мяне здзівіла, што так далёка ад мітынгу і так рана пачаліся затрыманні, таму хацеў зафіксаваць гэты момант. Не самая лепшая фатаграфія. 15 сутак за яе — гэта овэр-прайс.
![Через минуту был в автозаке: белорусы показали последние фото перед задержанием](/sites/default/files/paragraphs/image/2020-11-05172523.jpg)
19 чэрвеня, акцыя ў падтрымку затрыманых актывістаў. Марыя Вайтовіч, журналістка Еўрарадыё
Я зняла, як затрымліваюць журналістку "112 Украина", а потым мяне павялі ў той жа аўтазак.
![Через минуту был в автозаке: белорусы показали последние фото перед задержанием](/sites/default/files/paragraphs/image/2020-11-05172841.jpg)
27 жніўня, Сяргей Гапон, фотакарэспандэнт
На фатаграфіі — адзін з першых затрыманых каля Чырвонага касцёла 27 жніўня. Неўзабаве пад'ехаў аўтобус, на якім нас адвезлі ў Кастрычніцкае РУУС.
Гэта фатаграфія і зусім апошняя картка, якую я зрабіў на пратэстах. Праз дзень у мяне анулявалі акрэдытацыю.
![Через минуту был в автозаке: белорусы показали последние фото перед задержанием](/sites/default/files/paragraphs/image/gpn2681.jpg)
Калі вы таксама з тых, у каго ёсць апошняе фота перад затрыманнем, — скіньце яго нам у "Тэлеграм" @euroradio_minsk.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.