Правілы бяспекі: як пачысціць фота ў аблоках Google і iCloud
![Как удалить фото из гугл-облака и айклауд](/sites/default/files/styles/main_image_watermark_/public/2023-08/google%20photo%20belarus.jpg.webp?itok=k3Y7vDWn)
Простыя інструкцыі па выдаленні фота з аблокаў Google і Apple / калаж Еўрарадыё
Сілавікі цяпер глядзяць не толькі на падпіскі беларусаў у Тэлеграме, але і заходзяць у іх воблачныя дыскі — шукаюць, за што можна "зачапіцца". Створаныя для зручнасці, беларусам функцыі сінхранізацыі фатаграфій і відэа ў воблаку могуць прынесці больш праблем. Расказваем, як пачысціць свае медыяфайлы на "Google-дыску", "Google Фота" і iCloud.
Што наогул трэба выдаляць?
Калі вы ў Беларусі, лепш выдаліць любыя сведчанні вашага ўдзелу ў акцыях пратэсту, маршах, дваровых чаяваннях — але не толькі. Напрыклад, калі вы рабілі скрыншоты з "экстрэмісцкіх" СМІ або захоўвалі фатаграфію, дзе ёсць "небяспечнае" лога, да гэтага таксама могуць прычапіцца — і як мінімум адправіць вас на "суткі" за захоўванне экстрэмісцкіх матэрыялаў. Таму чысціць медыяфайлы варта максімальна грунтоўна — каб нічога не прапусціць.
Як пачысціць сэрвісы гугла
Калі ў вас тэлефон на Android і вы не выключалі сінхранізацыю фатаграфій у "воблаку" (у большасці яна стаіць аўтаматычна) — знайдзіце ў смартфоне дадатак "Фота" ("Photo").
![Как почистить гугл фото и гугл драйв](/sites/default/files/styles/default_image_paragraph_watermark/public/paragraphs/image/google%20photo%20clean%20android.jpg.webp?itok=Q8nk6Sg9)
Цяпер уважліва прагледзьце ўсе файлы, асабліва за 2020 і 2021 год.
Каб выдаліць фота ці відэа з воблака, трэба націснуць на яго і ўтрымліваць, яно будзе выдзелена (сіняй птушачкай). Вылучыце іншыя медыяфайлы, якія хочаце выдаліць са сваіх гугл-сэрвісаў, і націсніце "Выдаліць" ("Delete", значок кошыка).
Цяпер "небяспечныя" фота і відэа змешчаныя ў кошык "Google Photo". Зайдзіце ў яго, абярыце "Бібліятэку"(Library), там знойдзеце "Кошык" (Bin). Націснуўшы на меню з трох кропак, абярыце "Ачысціць кошык" (Empty bin) і пазначце "Выдаліць назаўжды" (Delete permanently).
Праверце таксама свой Google Drive (гугл-дыск) — такая праграма стаіць на большасці Android. Схема выдалення падобная: ва ўкладцы "Файлы" выбіраеце "небяспечныя", выдаляеце ў кошык, а потым абавязкова чысціце і сам кошык.
Калі вы гэтага яшчэ не зрабілі, выключыце сінхранізацыю свайго смартфона з сэрвісамі гугла. У наладах знайдзіце поле "Google", там будзе ўказаны ваш акаўнт з пазнакай, што сінхранізацыя ўключаная. Націсніце на яе і здыміце птушачку аб сінхранізацыі кантэнту.
![Как удалит фото из айклауд](/sites/default/files/styles/default_image_paragraph/public/paragraphs/image/how_to_use_icloud_1200home.jpg.webp?itok=2_ZV2cvv)
Знайдзіце раздзел "Фота" (насуперак назве, там будуць і відэа). Клікаючы па малюнках, вы можаце іх вылучыць, а потым націсніце на значок кошыка. Пасля зноў знаходзім "Нядаўна выдаленыя" і націскаем на "Выдаліць усе".
На ўсялякі выпадак таксама прагледзьце ўкладку iCloud Drive (аналаг гугл-дыска). Схема выдалення падобная.
Каб выключыць сінхранізацыю вашага айфона з iCloud, зайдзіце ў налады, абярыце адпаведны пункт і там здыміце птушачкі.
Не ведаеце, як і дзе спампаваць VPN? Скарыстайцеся тэлеграм-ботам ад Psiphon, каб усталяваць сэрвіс без праблем.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.