Праваслаўныя адзначаюць Вадохрышча
Па традыцыі, у ноч з 18 на 19 студзеня ў храмах адбываюцца святочныя набажэнствы з рытуалам асвячэння вады.
Ваду асвячаюць і цягам усяго дня, 19 студзеня. Свянцонай вадой пасля абмываліся, акраплялі ёй жыллё, гаспадарчыя пабудовы. Вернікі перакананыя, што такая вада дапамагае ад розных хваробаў.
Таксама існуе традыцыя акунання ў палонку — гэта сімвалічны акт ачышчэння. Перад гэтым вадаём асвячаецца, ахвочыя акунуцца чытаюць малітву.
Свята адзначаюць як успамін пра хрышчэнне Госпада Ісуса Хрыста ў рацэ Іардан.