Праўладны саюз пісьменнікаў "піярыцца" за кошт канкурэнтаў

Выданнем збору займаецца неафіцыйны Саюз беларускіх пісьменнікаў. Да таго ж, у гэты неафіцыйны творчы саюз уваходзіў і сам Народны пісьменнік.

Кіраўнік Саюза беларускіх пісьменнікаў Барыс Пятровіч у каментары Еўрарадыё адзначыў, што гэта не першы выпадак, калі афіцыйная арганізацыя карыстаецца набыткамі іншага саюза.

Пятровіч: "Спачатку яны забралі нашую назву — да 1995 года мы называліся "Саюз пісьменнікаў Беларусі". Потым забралі наш Дом (маецца на ўвазе Дом літаратара. — Еўрарадыё.). Цяпер збіраюцца святкаваць 80-годдзе нашай арганізацыі, што дзіўна для саюза, утворанага ў 2006 годзе. Вось, нарэшце, сталі карыстацца і нашымі выданнямі".

Праўда, ніякіх захадаў Саюз беларускіх пісьменнікаў рабіць не збіраецца. На думку Пятровіча, дастаткова таго, што скандал набудзе агалоску.

Дарэчы, на выставе стаяць першыя тамы збору твораў Васіля Быкава. У іх увайшлі творы, напісаныя напрыканцы жыцця пісьменніка — у тым ліку "Прыпавесці" і вырана апазіцыйная аповесць "Афганец".

Фота — lit-bel.org