Пракуратура выявіла ў Мінску небяспечныя для дзяцей атракцыёны

У Партызанскім раёне Мінска выявілі небяспечныя для дзяцей атракцыёны, а таксама гульнявое надзіманае абсталяванне. Як адзначае прэс-служба Генпракуратуры, тэхнічны стан некаторых забаўляльных комплексаў пагражаў жыццю і здароўю дзяцей.

Праверкай атракцыёнаў займаліся супрацоўнікі пракуратуры Партызанскага раёна Мінска і Дзяржпрамнагляду горада. 

Яны выявілі, што на асобных атракцыёнах не былі нацягнутыя швартовачныя элементы, мелі прагін і слабіну. У некаторых месцах не былі агароджаныя пункты кіравання і энергазабеспячэння, а таксама сістэмы мацавання. 

Выявілася і тое, што эксплуатацыяй атракцыёнаў займаліся людзе, на гэта не ўпаўнаважаныя. Акрамя таго, у іх не было сродкаў гукавой і светлавой сігналізацыі, а таксама спецыяльнай экіпіроўкі.

Пракуратура загадала выправіць выяўленыя парушэнні.